SUB- ROSA part 3

Isang guhit,
nagmula sa isang tuldok
hnggang sa isa pa.
Sinubukan kong
iguhit ka sa
hangin ngunit
ni-tuldok hindi
ko maaninag,
sorry...
kung sa kawalan
lamang kita
kayang iguhit,
at kung hawiin ka
man ng hangin
ay hindi ko mamamalayan.

SUB-ROSA part 1

Nabuo ka sa liko- likong

guhit ng kalungkutan.

Ninais kong baguhin,

ituwid,

ngunit naputol

at hindi ko na

magawang ibalik.

Tinangka kong burahin

ang guhit ngunit

tulad ng kandilang upos, wala.

hindi mabura na tila

marka na mananatiling

bakas, hindi ng nakaraan

o bukas kundi ng kasalukuyan.

Naisip ko sana

ginuhit na lamang

kita sa aking

mga palad,

baka sakaling  hindi na

kalungkutan

kundi kapalaran

ang magbubuo sa'yo sa akin.

Sa gayo'y mananatili ka

ng hawak ng mga kamay ko

at kailanma'y

hindi na kailangang

burahin at baguhin.